ರೈತರ ಸಂಕಟಕ್ಕೆ ಮಿಡಿದ ವಿದ್ಯಾರ್ಥಿಗಳ ಹೃದಯ

             ಆತ್ಮಹತ್ಯೆ ನಿಲ್ಲಬೇಕು, ರೈತರ ನ್ಯಾಯಯುತ ಹಕ್ಕುಗಳ ಈಡೇರಿಕೆಗಾಗಿ ಕರ್ನಾಟಕ ಜನಶಕ್ತಿ ಹಮ್ಮಿಕೊಂಡಿರುವ "ರೈತ ಹೋರಾಟ ಜಾಥದಲ್ಲಿ" 60 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಸಕ್ರಿಯವಾಗಿ ಬದ್ಧತೆಯಿಂದ ದುಡಿಯುತ್ತಿದ್ದಾರೆ. ಈಗಾಗಲೇ 300 ಹಳ್ಳಿಗಳಲ್ಲಿ ಪ್ರಚಾರ ಜಾಥಾ ನಡೆದಿದ್ದು 5 ತಂಡಗಳು ನಿರಂತರವಾಗಿ ಶ್ರಮಿಸುತ್ತಿವೆ . ಈ ವಿದ್ಯಾರ್ಥಿಗಳು ರೈತರ ನೋವುಗಳನ್ನು ತಮ್ಮ ನೋವುಗಳಾಗಿ ಮಾರ್ಪಡಿಸಿಕೊಂಡಿದ್ದಾರೆ. ಸ್ನಾನವಿಲ್ಲ, ಸರಿಯಾದ ಶೌಚಾಲಯಗಳಿಲ್ಲ, ಸುಸ್ತು, ಗಂಟಲು ನೋವು ಏನೇ ಇದ್ದರೂ ಆಗಸ್ಟ್ 3 ರ ಜಿಲ್ಲಾಧಿಕಾರಿ ಕಛೇರಿ ದಿಗ್ಭಂಧನದ ಮೂಲಕ ರೈತರ ಸಮಸ್ಯೆಗಳಿಗೆ ತಕ್ಷಣದ ಪರಿಹಾರಕ್ಕಾಗಿ ಹೋರಾಡುವುದು ವಿದ್ಯಾರ್ಥಿಗಳ ಮುಂದಿರುವ ಗುರಿಯಾಗಿದೆ. ಇವರನ್ನು ನೋಡಿ ನನಗೆ ಮತ್ತಷ್ಟು ಉತ್ಸಾಹ ಬಂದು ಈ ಜನವಿರೋಧಿ ವ್ಯವಸ್ಥೆಯ ಮೇಲಿನ ಆಕ್ರೋಶ ಹಿಮ್ಮಡಿಯಾಗಿದೆ. 

ಬಲಿಷ್ಟ ವಿದ್ಯಾರ್ಥಿ ಚಳವಳಿ ಕಟ್ಟೋಣ. ಉತ್ತಮ ಸಮಾಜಕ್ಕಾಗಿ ಶ್ರಮಿಸೋಣ.